US Open: Aleksandr Shevchenko alǵashqy jeńisine qol jetkizdi

ASTANA. KAZINFORM — Qazaqstannyń ekinshi, álemniń 61-raketkasy Aleksandr Shevchenko AQSh ashyq chempıonatynyń ekinshi aınalymyna ótti.

Qazaqstandyq tennısshi bastapqy kezdesýin dúnıejúzilik reıtıngide 83-orynda turǵan germanııalyq Domınık Kepfermen ótkizdi. Qarsylastar osyǵan deıin Indıan-Ýellste (AQSh) kezdesip, onda qazaqstandyq sportshy 6:3, 1:6, 7:6 (7:3) esebimen jeńgen edi.

Shevchenko matchty sátti bastap, alǵashy eki sette 6:3, 7:5 esebimen basym tústi. Budan keıin Kepfer de qarap qalmady – 7:5. Degenmen qazaqstandyq tennısshi óz degenine qol jetkizdi – 6:2.

Úsh saǵatqa jýyq ýaqytqa sozylǵan básekede Shevchenko 9 eıspen birge 16 breık-poınttyń jeteýin óz esebine jazdy. Kepfer 1 eıs, 4 breıkten (10 breık-poınt) asa almady.

Aleksandr Shevchenko úshinshi aınalymǵa shyǵý úshin amerıkalyqtar, álemniń 20-raketkasy Frensıs Tıafo nemese reıtıngide 76-satydaǵy Aleksandr Kovachevıchtiń bireýimen talasady.

Búgin taǵy bir qazaqstandyq, reıtıngide 188-oryndaǵy Tımofeı Skatov álemniń 7-raketkasy, Polsha ókili Hýbert Hýrkachpen kezdesedi. Ótken jyly Shevchenko da, Skatov ta alǵashqy aınalymnan asa almaǵan edi.

Qazaqstannyń áıelder arasynda birinshi, álemniń 4-raketkasy Elena Rybakına búgin reıtıngide 194-satydaǵy aýstralııalyq Destanı Aııavamen oınaıdy. Sondaı-aq reıtngide 32-oryndaǵy ıÝlııa Pýtıntseva álemniń 25-raketkasy, 19 jastaǵy chehııalyq Lında Noskovamen sheberlik talastyrady.

Eske sala keteıik, budan buryn Aleksandr Býblıktiń AQSh ashyq chempıonatynda 19 jastaǵy tennısshiden jeńilip qalǵanyn bolatynbyz.