US Open: Aleksandr Býblık ekinshi aınalymǵa ótti
NUR-SULTAN. QazAqparat – Qazaqstannyń birinshi, álemniń 37-raketkasy Aleksandr Býblık US Open týrnıriniń ekinshi aınalymyna shyqty, dep habarlaıdy QazAqparat tilshisi.
Osy «Úlken dýlyǵa» jarysynyń 31-raketkasy bolyp tirkelgen qazaqstandyq tennısshi bastapqy kezdesýin dúnıejúzilik reıtıngte 134-orynda turǵan germanııalyq ıAnnık Hanfmanmen ótkizdi.
Birinshi partııada A.Býblık qarsylasyna birde-bir geım bergen joq – 6:0.
Ekinshi settiń jetinshi geıminde Býblıktiń dop berýdegi qatelikterinen keıin germanııalyq sportshy breıkpen alǵa shyqty – 4:3. Bul sette sol basymdylyǵyn saqtap qaldy – 6:4.
ıA.Hanfmann úshinshi partııany breıkpen bastady – 2:0. Budan keıin óz geımin asa bir qıyndyqpen alǵan Býblık qaıyra breık jasap, tarazy basyn teńestirdi – 2:2. Osy qarqynnan taımaı, qatarynan alty geımge qol jetkizdi – 6:2.
Tórtinshi sette qazaqstandyq tennısshi breık jasap, alǵa ketti – 4:1. Taǵy bir breık – 5:1. Aqyry matchty eıspen bitirdi – 6:1.
Qazaqstandyq sportshy 1 saǵat 51 mınýtqa sozylǵan matchta 18 eıs jasap, 13 breık-poınttyń segizin múlt jibergen joq. ıA.Hanfmann 6 eıs, 2 breıkpen (13 breık-poınt) ǵana shekteldi.
A.Býblık úshinshi aınalymǵa shyǵý úshin álemniń 69-raketkasy, japonııalyq Esıhıto Nısıoka nemese reıtıngte 184-satydaǵy amerıkalyq Djek Soktyń bireýimen talasady.
Ótken jyly AQSh-tyń ashyq chempıonatynda A.Býblık alǵashqy aınalymnan asa almaǵan edi.
Taǵy bir qazaqstandyq, reıtıngte 110-oryndaǵy Zarına Dııas birinshi matchynda álemniń 75-raketkasy, jazdyń sońǵy kúni 20 jasqa tolǵan amerıkalyq Amanda Anısımovaǵa 5:7, 2:6 esebimen ese jiberdi. Bir saǵattan astam ýaqytqa sozylǵan oıynda Zarına birde-bir eıs jasaı alǵan joq. 2 breık-poınttyń ekeýin de paıdalandy. A.Anısımova 3 eıs, 5 breıkke (12 breık-poınt) qol jetkizdi.
Osylaısha US Open dodasynda jekeleı synda Qazaqstannan A.Býblık pen Elena Rybakına ǵana qaldy. Elena ekinshi aınalymda frantsııalyq Karolın Garsııamen kortqa shyǵady.
Eske sala keteıik, budan buryn ıÝlııa Pýtıntsevanyń US Open týrnırinde jeńilip qalǵanyn, Elena Rybakınanyń jeńispen bastaǵanyn, Mıhaıl Kýkýshkınniń ekinshi aınalymǵa shyǵa almaǵanyn jazǵan bolatynbyz.
Sondaı-aq ıAroslava Shvedova qarsylasyna ese jiberdi.
