US Open: Aleksandr Býblık AQSh chempıonyn joldan taıdyrdy

ASTANA. KAZINFORM — Qazaqstannyń birinshi, álemniń 24-raketkasy Aleksandr Býblık AQSh ashyq chempıonatynyń ekinshi aınalymyna shyqty. 

Qazaqstandyq tennısshi alǵashqy aınalymda 2014 jylǵy AQSh chempıony, qazirgi kezde reıtıngide 62-orynda turǵan horvatııalyq Marın Chılıchke tap keldi.

Birinshi partııada Býblık 6:4 esebimen basym tústi. Ekinshisinde qarqynyn odan saıyn údetti – 6:1. 

Úshinshi set te A.Býblıktiń paıdasyna sheshildi – 6:4. 

Bir saǵat 50 mınýtqa sozylǵan básekede Býblık 16 eıs jasap, 9 breık-poınttyń tórteýin óz esebine jazdy. Chılıch 5 eıspen shekteldi.

Aleksandr Býblık úshinshi aınalymǵa shyǵý úshin álemniń 46-raketkasy, Italııa ókili Lorentso

Sonego nemese reıtıngide 96-satydaǵy aýstralııalyq Trıstan Skýlkeıttiń qaı jeńgenimen talasady. 

Eske sala keteıik, budan buryn AQSh ashyq chempıonatynda Elena Rybakınanyń 16 jastaǵy tennısshini utqanyn jazǵan edik.