US Open: Aleksandr Býblık 2020 jylǵy chempıonǵa jol berdi
ASTANA. QazAqparat - Qazaqstannyń birinshi, álemniń 27-raketkasy Aleksandr Býblık AQSh ashyq chempıonatynyń alǵashqy aınalymynan asa almady, dep habarlaıdy QazAqparat. tilshisi.
Qazaqstandyq tennısshi bastapqy kezdesýin dúnıejúzilik reıtıngte 81-orynda turǵan 2020 jylǵy AQSh ashyq chempıonatynyń jeńimpazy, aýstrııalyq Domınık Tımmen ótkizdi.
Eki saǵatqa jýyq ýaqytqa sozylǵan matchta D.Tım 6:3, 6:2, 6:4 esebimen jeńiske jetti.
Domınık Tım 8 eıs jasap, 10 breık-poınttyń altaýyn paıdalana bildi. A.Býblık 6, 2 breıkpen (4 breık-poınt) shekteldi.
Osylaısha, A.Býblık D.Tımnan taǵy da jeńilis taýyp, 2019 jylǵy Rolan Garrosta ketken eseni qaıtara almady.
Endi A.Býblık juptyq synda óner kórsetedi.
Eske sala keteıik, budan buryn AQSh ashyq chempıonatynda Elena Rybakına men Aleksandr Býblıktiń bastapqy kezdesýlerin ótkizetinin jazǵan bolatynbyz.
Sondaı-aq qazaqstandyq 18 jastaǵy tennısshi álemdik reıtıngte 36 saty joǵary kóterildi.
