US Open-2016 syılyq qory tennıs tarıhyndaǵy rekordty bolmaq
ASTANA. QazAqparat - US Open-2016 29 tamyz ben 11 qyrkúıek aralyǵynda Nıý-Iorkte ótedi.
2016 jylǵy AQSh ashyq chempıonatynyń syılyq qory 46,3 mıllıon dollardy qurap, tennıs týrnırleri tarıhyndaǵy eń irisi bolmaq. Bul týraly US Open saıtynan habarlandy.
AQSh-taǵy jarystyń jeke razrıadtaǵy jeńimpazdary 3,5 mıllıon dollardan, fınalǵa shyqqandar 1,75 mıllıonnan alady. Jupty razrıadtaǵy jeńimpazdar ekeýi 625 myń dollar, fınalǵa shyqqandar 310 myń dollardan alady. 2015 jylǵy AQSh ashyq chempıonatymen salystyrǵanda syılyq qory 10 paıyzǵa artady, dep habarlady lenta.ru.
Australian Open-2016 synynda 33,5 mıllıon, «Rolan Garrosta» - 35,5 mıllıon oınatyldy, al Ýımbldon syılyq qory 37,2 mıllıondy qurady.
