Úrjarlyq jastar týǵan aýylyna erekshe saıabaq salyp berdi

ÚRJAR. QazAqparat - Shyǵys Qazaqstan oblysy, Úrjar aýdanyna qarasty Janaı aýylynyń jastary aýyldastaryna balalarǵa arnalǵan saıabaq salyp berdi. Bastama «Týǵan jer» baǵdarlamasy aıasynda Astananyń 20 jyldyǵyna oraılastyryp iske asty, dep habarlaıdy QazAqparat tilshisi.

Jastardyń bastamasymen jasalǵan isti el ıgiligine berý úshin janaılyqtar quny 5 mln teńgege zamanaýı jabdyqtalǵan saıabaq salyp berdi.

Saıabaqtyń ashylý saltanatyna qatysqan Úrjar aýdany ákiminiń orynbasary Serikqazy Sádýaqasov turǵyndardy quttyqtap, jyly lebizin bildirdi.

«Astana qalasynyń 20 jyldyǵy qarsańynda ashylǵan saıabaq janaılyqtardyń súıikti demalys ornyna aınalatynyna senemiz»,- deıdi Serikqazy Sádýaqasov.

Aıta keterligi, saıabaqta balalarǵa arnalǵan oıyn alańy men átkenshekter, sporttyq jattyqtyrý kesheni ornalastyrylǵan. Budan bólek sahna, demalatyn oryndyqtar, kúnqaǵarlar (besedka) qoıylǵan.

Atalmysh okrýg ákimi Áset Baımurzaevtyń aıtýynsha, taıaý arada «Qojanasyr» ertegi áleminiń keıipkerleriniń músinderi kelýshilerdiń nazaryna usynylmaq.

Aýyl aqsaqaldary saıabaqtyń ashylý barysynda aýdan basshysy Serik Zaınýldınge, Eginsý aýyldyq okrýginiń ákimi Áset Baımurzaevqa alǵystaryn jaýdyrdy.

Aıta keteıik, jalpy aýdanda balalarǵa arnalǵan oıyn alańshalarynyń sany jyl sanap artyp keledi.