Úrjarlyq ardagerlerge 617 myń teńge syıaqy berildi
«Sizder kóptegen qıyndyqtar men kedergilerdi jeńe otyryp, ómir belesterin abyroımen baǵyndyrdyńyzdar. Otan basyna qıyn kún týǵanda qolǵa qarý alyp, qorǵadyńyzdar. Uzaq ta, qıyn áskerı joldy basyp ótip, soǵys órtinen kúlge aınalǵan Otanymyzdy qalpyna keltirýge atsalystyńyzdar. Sizderdiń aýyr ómir joldaryńyz erekshe qurmetke ıe. Biz sizderdiń eren eńbekterińizdiń arqasynda qazir tynyshtyq pen tatý ómir súrýdemiz. Biz ótkenimizben jáne sizdermen maqtanamyz. Sizderdiń otbasylaryńyzǵa tatýlyq pen baılyq. Ózderińizge densaýlyq pen uzaq ǵumyr tileımin», - dedi aýdan ákimi ardagerlerdi quttyqtap turyp. Jáne olarǵa syılyqtar men qarjylaı sertıfıkattardy tabys etti.
Aıta keteıik, Táýelsizdiktiń qadir-qasıetin jastar sanasyna sińirýde muz jastanyp, qar jamylyp, qan maıdannyń qıyndyǵyn kórgen soǵys ardagerleriniń árqaısysyna oblystyq bıýdjetten 517 myń teńge jáne aýdandyq bıýdjetten 100 myń teńge qarjylaı syıaqy berildi.
Ákimmen birge maıdangerlerdi quttyqtaýǵa oblys ákimi Danıal Ahmetovtiń atynan oblystyq Tabıǵat qorǵaý baǵdarlamalaryn iske asyrý jónindegi basshynyń orynbasary Alısher Satybaldıev, aýdandyq máslıhat hatshysy Qalenbek Qarashev, aýdandyq qoǵamdyq keńestiń tóraǵasy Muhametqalı Bitimbaev, «Nur Otan» partııasy Úrjar aýdandyq fılıaly tóraǵasynyń birinshi orynbasary Baqtybaı Baımuratov, jumyspen qamtý jáne áleýmettik baǵdarlamalar bóliminiń basshysy Láılá Dúısenova, mádenıet jáne tilderdi damytý bóliminiń basshysy Janat Andasova, aýyl ákimderi boldy.
Ardagerler aýdan ákimine quttyqtaý úshin úlken alǵys bildirip, barlyq qazaqstandyqtarǵa myqty densaýlyq, tabystar men ashyq aspan tiledi. «Beıbitshilik - eń basty nárse», - deıdi UOS ardagerleri.
