Úrjarlyq 4 oqýshy shetelde oqý grantyn utyp aldy
ÚRJAR. QazAqparat - Shyǵys Qazaqstan oblysy, Úrjar aýdanynyń 9-cynyp oqýshylary «IQanat Bilim berý qorynyń» uıymdastyrýymen Astanada ótken olımpıadada sheteldik joǵarǵy oqý oryndarynyń granttaryn utyp aldy, dep habarlaıdy QazAqparat tilshisi aýdandyq bilim bólimine silteme jasap.
Aıta keteıik, olımpıadaǵa Shyǵys Qazaqstan oblysynyń alty aýdanynan 200-ge jýyq oqýshy qatysqan. Al, Úrjar aýdany boıynsha jyldyq qorytyndy barysynda jeńimpaz atanǵan 26 oqýshy irikteldi.
Olımpıada qorytyndysy boıynsha 4 oqýshy sheteldik joǵarǵy oqý oryndarynyń grantyna ıe boldy. Atap aıtqanda, aǵylshyn tili páninen Abylaıhan atyndaǵy orta mekteptiń 10-synyp oqýshysy Mádına Qaıratqyzy, deneshynyqtyrý páninen Laıbulaq orta mektebiniń 9-synyp oqýshysy Nurshashý Jaqııanova, Qaratal jáne Aqtanberdi orta mektepteriniń 9-synyp oqýshylary - Zeınep Amantaı men Temirlan Zııadanovtar jeńimpaz atandy.
«Olımpıada jeńimpazdaryna arnaıy baǵdarlama jasaldy. Baǵdarlama aıasynda mektep oqýshylary elordadaǵy ulttyq murajaıǵa saıahat jasap, Eýrazııa ulttyq ýnıversıteti jáne Qazaq gýmanıtarlyq zań ýnıversıtetimen tanysty. «IQanat Bilim berý qory» qoǵamdyq qorynyń uıymdastyrýymen ótken olımpıadada oqýshylar bolashaǵyn durys baǵdarlaı alatyndaı kóptegen málimetter ala bildi», - deıdi Úrjar aýdandyq bilim bóliminiń basshysy Sáýle Júnisova.
Aıta keteıik, aýyl mektepteriniń oqýshylaryna arnalǵan IQanat repýblıkalyq baǵdarlamasy - qazaqstandyq metsenattardyń kómegimen iske asyrylyp otyrǵan joba.
