Úrjar turǵyny bir jylda 40 myń lıtrge jýyq sút ótkizgen
Bul jaıly aımaq basshysy Danıal Ahmetov Facebook paraqshasynda jazdy.
«Úrjar aýdanynyń turǵyny Roza Bolathanova tynymsyz eńbeginiń nátıjesinde Shyǵys Qazaqstan boıynsha rekordtyq kórsetkishke qol jetkizdi. Bir jyldyń ishinde 38 myń lıtr sút tapsyrǵan ol 3,5 mıllıon teńgeden astam tabys tapqan. Úrjar aýdany ákiminiń esep berý jıynynda sóz alǵan Roza Qosjanqyzy osy baǵyttaǵy otbasylyq bıznesti bastaý úshin qoradaǵy mal sanyn kóbeıtýge kómek surady. Biz árıne, oǵan qoldaý kórsetemiz», - deıdi oblys ákimi.
Úrjar aýdany - sút óndirý salasynda kósh bastap turǵan óńirlerdiń biri. Búginde sút óńdeý zaýyttarynyń kórsetkishi edáýir artyp otyr. Buǵan halyqtan sút satyp alý pýnktilerin qurý isi oń yqpal etken.
«Óńir jastaryn aýylǵa shaqyramyn. Bizde aýqymdy josparlar bar. Tek Úrjar aýdanynda bıyl eksportqa baǵyttalǵan júgeri alqabyn - 3351 gektardan 4000-ǵa deıin, soıa alqabyn - 958-den 2000 gektarǵa deıin ulǵaıtýdy kózdep otyrmyz» - deıdi Danıal Ahmetov.
Foto: www.facebook.com/AkhmetovDanialkz
