Úrjar aýrýhanasynyń jylýmen qamtý júıesi qalpyna keltirildi
ÓSKEMEN. 6 qańtar. QazAqparat - Úrjar ortalyq aýrýhanasynyń jylýmen qamtý júıesi qalpyna keltirildi. Aýrýhananyń qazandyǵynda bý jáne gaz aralas jarylys saldarynan qıraǵan qabyrǵalar qaıta jóndeldi.
Úrjar ákimi apparatynyń aqparaty boıynsha, palatalardaǵy temperatýralyq rejım +22 gradýs, 6 naýqas osyǵan deıin Maqanshy aýylynyń aýyldyq aýrýhanasyna aýystyrylǵan bolatyn. Atalǵan jaǵdaıǵa baılanysty úılerine qaıtarylǵan 24 naýqas qaıtadan qalpyna keltirilgen ortalyq aýrýhana ǵımaratyna jatqyzyldy.
Arqasy men betin 2-shi dárejeli kúıik shalǵan qazandyq qyzmetkeri jergilikti aýrýhanaǵa jatqyzyldy.
