Úrjar áýejaıynyń ushý-qoný jolaǵy jańardy

SEMEI. QazAqparat - Úrjar aýylynyń áýejaıyn qaıta jańartý jumystary aıaqtaldy. Áýejaıdyń ushý-qoný jolaǵyn jáne aerovokzal ǵımaratyn qaıta qurý jobasy 2020 jyly jasalǵan, dep habarlaıdy QazAqparat Abaı oblysy ákimdigine silteme jasap.

Paıdalaný bastalǵan kezden bastap, ıaǵnı, 2008 jyldan beri Úrjar áýejaıynyń ushý-qoný jolaǵyna kúrdeli jóndeý júrgizilgen joq.

Oblys ortalyǵynyń áýe aılaǵy úshin ushý-qoný jolaǵyn, taksı jolyn, perrondy qaıta jańartý, jaryq belgi berý jabdyǵyn ornatý, perımetrlik qorshaý jáne basqa jumystar jasaldy.

Búginde jasandy ushý-qoný jolaǵynyń uzyndyǵy - 2100 metr.

Jańartýdan keıin Fokker 50, Bombardier CRJ-200, Bombardier Q400, Embraer EMB 120ER sııaqty áýe kemelerine qyzmet kórsetý múmkindigi paıda boldy.

Osylaısha, modernızatsııadan keıin Úrjar aýylynyń áýejaıynda shaǵyn avıatsııalyq ushaqtardy ǵana emes, sonymen qatar Embraer, Bombardier sanatyndaǵy ushaqtardy qabyldaýǵa jaǵdaı jasaldy.

Týrıstik maýsym kezinde «Ońtústik aspan» avıakompanııasy Almaty jáne Semeı qalalaryna, al «QAZAQ AIR» avıakompanııasy Astana qalasyna áýe reısteri ashyldy.

Bılet baǵasy sýbsıdııa esebinen tómendetilgen.