Úrjar aýdanynda joǵalǵan balyqshynyń denesi tabyldy – ShQO
ÓSKEMEN. QazAqparat – Shyǵys Qazaqstan oblysy Úrjar aýdanynda balyqshy sýǵa batyp ketti, dep habarlaıdy QazAqparat tilshisi
ShQO Tótenshe jaǵdaılar departamenti baspasóz qyzmetiniń málimetine súıensek, qutqarýshylarǵa Sasyqkól kólinde 23 jastaǵy balyqshynyń joǵalyp ketkeni týraly habar tústi. Belgili bolǵandaı, er adam 4 qarashada keshki saǵat 20.00-22.00 aralyǵynda qaıyqpen balyq aýlaýǵa shyǵyp, sol kúıi qaıtyp oralmaǵan.
«TJD qyzmetkerleri men polıtseıler balyqshyny tún ortasyna deıin izdegenimen esh nátıje shyqpady. 5 qarasha kúni oqıǵa ornyna №17 órt sóndirý bólimshesinen 5 adam men «KÝNG» avtokóligi jumyldyryldy. 6 qarashada Óskemennen súńgýirler kelip jetti. Sol kúni jaǵalaýdan 1 shaqyrymdaı qashyqtyqta muz astynan balyqshy qaıyǵynyń benzın bagy tabylǵan», - delingen aqparatta.
Qutqarýshylar, jergilikti atqarýshy organ ókilderi men turǵyndar birlesip júrgizgen izdestirý sharalarynyń nátıjesinde 7 qarashada sýdan er adamnyń máıiti tabyldy.
