Úrjar aýdanynda qarsy kórsetilimi joq turǵyndar tolyqtaı vaktsına aldy – ShQO

ÓSKEMEN. QazAqparat – Shyǵys Qazaqstan oblysy Úrjar aýdanynda qarsy kórsetilimi joq turǵyndardyń 100 paıyzy vaktsına saldyrdy, dep habarlaıdy QazAqparat tilshisi.

ShQO ákimdiginiń málimetine súıensek, búgingi tańda óńir jurtshylyǵy arasynda COVID-19 ınfektsııasyna qarsy ekpeniń birinshi komponentin alǵandar úlesi – 85,7% paıyzdy qurap otyr. Al jalpy halyqtyń 77,7 paıyzy vaktsınanyń eki komponentin de saldyrǵan.

Vaktsınanyń eki komponentin saldyrý kórsetkishinde Úrjar aýdany kósh basynda. Onda qarsy kórsetilimi joq turǵyndar tolyqtaı vaktsına aldy. Al Besqaraǵaı (98,8%) jáne Aıagóz (96,1%) aýdandary úzdik úshtikte tur. Eń tómengi orynda – Shemonaıha aýdany (61,6%). Sondaı-aq Glýbokoe aýdanynda halyqtyń 64,8 paıyzy ǵana ekpeniń eki komponentin alǵan.

Aıta keteıik, sońǵy táýlikte Shyǵys Qazaqstanda 82 adam qaýipti dertke shaldyqqan.