Úrjar aýdany jańadan qurylatyn Abaı oblysynyń quramyna kiredi – máslıhat
ÚRJAR. QazAqparat – Úrjar aýdanynyń jańadan qurylatyn Abaı oblysy quramyna kirýin jergilikti máslıhat depaýtattary qoldady, dep habarlaıdy QazAqparat tilshisi.
Shyǵys Qazaqstan oblysy Úrjar aýdandyq máslıhat depýtaty Zýhra Turapovanyń aıtýynsha, búgin máslıhattyń kezekten tys 14 sessııasy ótti.
«Sessııada 2021-2024 jyldarǵa arnalǵan aýdan bıýdjetine ózgerister engizildi. Sondaı-aq Qabanbaı men Baqty aýyldarynyń Bas josparlary bekitildi. Qaralǵan eń negizgi másele – Úrjar aýdany ákimshilik-aýmaqtyq qurylysyn jańadan qurylatyn Abaı oblysyna berý týraly usynys. Máslıhat depýtattary bul usynysty biraýyzdan qoldadyq», - deıdi Zýhra Turapova.
Esterińizge sala ketsek, QR Prezıdenti Qasym-Jomart Toqaev Joldaýynda Semeı aımaǵynda Abaı oblysyn qurýdy usynǵan bolatyn. Jergilikti jurt bul ózgeristi qoldaǵan edi.
Foto: zheruiyq.kz
