Úrjar aýdanynda ambýlatorlyq dıalız ortalyǵy ashyldy
SEMEI. KAZINFORM — Abaı oblysynyń ákimi Nurlan Uranhaevtyń tapsyrmasymen Úrjar aýdandyq kópsalaly aýdandyq ortalyq aýrýhanasynyń ǵımaratynda ambýlatorly dıalız ortalyǵy ashyldy.
Ortalyq sozylmaly búırek jetkiliksizdiginen zardap shegetin naýqastardy emdeýge mamandanǵan. Ambýlatorlyq dıalız ortalyǵynda búırek almastyrý terapııasyn qamtamasyz etý úshin eki dıalız apparaty ornatylǵan.
Jyl saıyn búırek almastyrý terapııasyn qajet etetin naýqastardyń sany aıtarlyqtaı artyp kele jatyr. Sol sebepten de, ishinara búırek almastyrý terapııasy úshin emdeýdiń joǵary sapasyn qamtamasyz etý qajet.
Ortalyqta ornalasqan eki apparattyń kómegimen kúnine 20 adamǵa deıin em qabyldaı alady.
Ortalyqtyń ashylýyna aýdan ákiminiń mindetin atqarýshy Aqylbek Bashımbaev jáne tıisti mekeme basshylary qatysyp, ortalyq jumysymen tanysty.
