Urylardyń kózi túsetin kólik modelderi belgili boldy
ASTANA. QazAqparat - Aǵymdaǵy jyly urlanǵan 2505 kóliktiń 2144-i zańdy ıelerine qaıtaryldy. Bul týraly QR Іshki ister mınıstrligi Memlekettik til jáne aqparat departamentiniń dırektory Almas Sadýbaev aıtty, dep habarlaıdy QazAqparat.
«Aǵymdaǵy jyly polıtsııa qyzmetkerleri urlanǵan 2505 kóliktiń 2144-in zańdy ıelerine qaıtaryp berdi. Qalǵandaryn jedel izdestirý sharalary júrgizilýde. Avtomobılderdiń basym bóligi elimizdiń Astana, Almaty, Shymkent, Qaraǵandy jáne Óskemen syndy iri qalalarynda urlanady. Urylardy «VAZ», «Mazda», «Volkswagen», «Mitsubishi» jáne «Mercedes» modeldi avtokólikter qyzyqtyrady», - dedi Almas Sadýbaev.
Aıta keteıik, búgin QR Parlamenti Májilisiniń jalpy otyrysynda depýtattar kóligin urlatqan azamattardy oǵan salyq tóleýden bosatý máselesin kótergen bolatyn.
