Urylardy 53 jastaǵy dúken satýshysy ustady - Qostanaı
QOSTANAI. QazAqparat - Dúken urlyqshylaryn ustaǵan 53 jastaǵy Qostanaı turǵyny Jánııa Smaǵulovany tártip saqshylary marapattady, dep habarlaıdy QazAqparat.
Aıta keteıik, 5 sáýir kúni belgisiz 3 er adam Qostanaıdaǵy sút ónimderi dúkenin tonamaq bolady. Onyń biri satýshynyń nazaryn aýdarsa, ekinshisi kassadaǵy aqshany sómkege salyp turǵan. Al úshinshi ury esikti kúzetken. Satýshy urylardyń bul astyrtyn áreketin sezip, dabyl belgisin basyp úlgirgen.
«Dúken satýshysy Jánııa Smaǵulova syrtqa shyǵyp, dúken esigin temir trýbamen jaýyp tastaǵan. Degenmen, urylardyń ekeýi ony ıterip tastap, qashyp ketken. Alaıda, ol úshinshi kúdiktiniń ketip qalýyna jol bermedi. Satýshyǵa kóshede ketip bara jatqan qyz kómekke keldi. Ol uıaly telefonynan polıtsııaǵa habar berdi», - delingen oblystyq ІІD baspasóz qyzmeti habarlamasynda.
Osylaısha, sút ónimderi dúkenine urlyqqa túskenderdi qolǵa túsirýge kómektesken J.Smaǵulova polıtseılerden alǵys hat aldy. Qazirgi ýaqytta kúdiktilerge qatysty sotqa deıingi tergeý sharalary júrgizilýde.
