Urylar qoımadan 63,5 tonna grek jańǵaǵyn úptep ketti
ASTANA. 8 qarasha. QazAqparat - Kalıfornııa polıtsııasy quny 400 myń dollar bolatyn 63,5 tonna grek jańǵaǵyn jymqyryp ketken urylardy izdestirip jatyr.
Urlyq Eskalon qalasyndaǵy qoımalardyń birinde 3 qarashada bolǵan, alaıda ol jaıynda búgin ǵana belgili bolyp otyr.
Ótken aıda shtatta osyǵan uqsas jaǵdaı tirkeldi. Onda jol jıegindegi treılerden 4,5 tonna grek jańǵaǵy urlanǵan.
Grek jańǵaǵyn ósirý Kalıfornııa aýyl sharýashylyǵy ındýstrııasynyń eksporty boıynsha tórtinshi satyda. Bul daqyldy óndirýde álemde Qytaı aldyńǵy orynda keledi.
