Urylar eki myń tyshqan tıelgen júk kóligin aıdap áketti
ASTANA. 28 maýsym. QazAqparat - Mıssýrı shtatynyń Sent-Charlz qalasynyń eki turǵyny medıtsınalyq zertteýlerge arnalǵan 2000 tyshqany bar júk kóligin aıdap áketti.
Kemirgishterdiń jalpy quny 10 myń dollardy quraıdy.
Lenta.ru habarlaǵandaı, oqıǵa keshe tańerteń júk kóliginiń júrgizýshisi kólikti qosýly kúıde qaldyryp, tamaqtanýǵa ketken kezinde bolǵan. Ol janýarlarǵa qajetti temperatýra kólik ishinde saqtalýy úshin ony qosýly qaldyrǵan. Qylmyskerler terezeni syndyryp, kólikke engen.
Júk kóliginde baqylaý júıesi iske qosylǵan eken, sondyqtan jergilikti polıtsııa 20 mınýt ishinde qylmyskerlerdi ustaǵan. Olar esirtkige táýeldi nashaqorlar bolyp shyqqan. Er adamdar esirtkige aqsha tabý úshin mundaı qylmysqa barǵandaryn moıyndady.
Aıta ketetin jaıt, bolǵan oqıǵadan birde-bir kemirgish zardap shekken joq, dep jazady Eýrazııa birinshi arnasy.
