Urylar Aıvazovskııdiń kartınasyn murajaıǵa qaıtardy
ASTANA. 23 qańtar. QazAqparat - Urylar Ivan Aıvazovskııdiń «Qyrymdaǵy teńiz peızajy» atty kartınasyn Qyrǵyz eliniń beıneleý óneri murajaıyna qaıtarǵan.
Áıgili sýretshiniń qalamynan 1866 jyly týǵan bul kartına qyrǵyz murajaıynan ótken júzjyldyqtyń basynda oryn tepken. Óner týyndysyn urylar jańa jyldyń aldynda, murajaı qyzmetkerleriniń korporatıvti keshi uıymdastyrylyp jatqan sátte jymqyryp ketken.
Quqyq qorǵaý organdary qyzmetkerleriniń aıtýynsha, mamandar qunyn 40 myń dollarǵa baǵalaǵan qylqalam týyndysyn tonaýshylar murajaı ǵımaratynyń ishine laqtyryp ketken.
Sál buryn osy qylmysqa qatysy bar degen kúdikpen murajaı qyzmetkerleriniń biri ustalǵan bolatyn. Endi oǵan taǵylǵan barlyq aıyptar alynyp tastalady. Qylmys ústinde ury sýretti ramasynan aıaýsyz keskilep alǵandyqtan, mamandar shyǵarmany qalpyna keltirý múmkindigine kúmán keltirip otyr.
