Urydan qaýiptengen kentaýlyq turǵyndar maldaryn GPS arqyly baqylaıtyn bolǵan

TÚRKІSTAN. QazAqparat – Túrkistan oblysy Kentaý qalalyq ákimdiginde aýyl ákimderiniń qatysýymen baspasóz máslıhattary ótkizilýde. Baıyldyr aýylynyń ákimi Erlan Qaldybaev BAQ ókilderimen kezdesýde eldi mekenniń búgingi jaǵdaıy men atqarylyp jatqan isteri jaıly aıtyp ótti, dep habarlaıdy QazAqparat tilshisi.

Aýyl ákiminiń sózinshe, 2 myńǵa jýyq turǵyny bar eldimekenniń negizgi kún kórisi — mal sharýashylyǵy sanalady.

«Baıyldyr aýylynda jalpy 328 úı bar. Qazirgi tańda 30 turǵyn kásipkerlikpen aınalysýda. Olardyń 3-eýi jeke dúkenderi arqyly halyqqa qyzmet kórsetse, 7 kásipker qalada jáne aýylda saýda-sattyq jasaıdy. Qalǵan 20 turǵyn mal sharýashylyǵy jáne baǵyttaǵy qoǵamdyq kóligi arqyly kásippen aınalysýda», - dedi Erlan Qaldybaev.

Aýyldyń áleýmettik jaǵdaıyn baıandaǵan ákim, sondaı-aq, aýyl sharýashylyǵy boıynsha memlekettik baǵdarlamalardyń júzege asyrylyp jatqanyn da aıtyp ótti. Sondaı-aq, turǵyndar mal urlyǵynyń aldyn alý maqsatynda jınalys ótkizgen.

«Aýylda mal urlana bergen soń, úıirimen júretin jylqylarǵa spýtnık arqyly baqylanatyn GPS júıesin ornatý jóninde másele kóterdik. Osy baǵytta úgit-nasıhat jumystary júrgizildi. Nátıjesinde aýyl turǵyndary ózara birigip, spýtnık arqyly baqylanatyn GPS júıesin 5 úıirge ornatty. Qazir 132 bas jylqy osy apparat arqyly baqylanyp otyr», - dedi Erlan Qaldybaev.