Ury jymqyrǵan aıý terisin onyń ıesine qaıta satpaqshy bolǵan
TALDYQORǴAN. QazAqparat - Almaty oblysynyń polıtseıleri urlanǵan aıý terisin zańdy ıesine qaıtaryp berdi, dep habarlaıdy QazAqparat Polisia.kz-ke silteme jasap.
Almaty oblysynda polıtseıler ótken jyly Talǵar qalasynda oryn alǵan urlyqty ashty. 2019 jyldyń jeltoqsan aıynda Talǵar qalasynyń 34 jastaǵy turǵynynyń jeke sektorynan belgisiz tulǵalar elektrosamokat, velosıped, elektrodrel, aıýdyń basy bar terisi men ózge de múlkin qoldy qylǵan. Atalǵan zattardyń barlyǵy kólemdi somany qurady. Zardap shegýshi barlyq qoldy bolǵan zattardyń ishinen úsh jyl buryn Reseıden satyp alynǵan bas tulyby bar aıý terisiniń erekshe qundy bolǵanyn jetkizdi. Alaıda, polıtsııaǵa oryn alǵan urlyq týraly shaǵym jasamaǵan.
Ol naýryz aıynda saıttardyń birinen aıý terisin satý týraly habarlandyrýdy kórip, bul týraly polıtsııaǵa aryzdandy. Іzdeý sharalaryna shuǵyl kirisken jer gilikti polıtsııa qyzmetiniń ýchaskelik ınspektorlary terini tárkilep, ony zańdy ıesi tanyǵannan keıin qaıtaryp berdi. Satqan 28 jastaǵy jergilikti turǵyn, bul terini oǵan áıeliniń aǵasy syıǵa tartqanyn aıtqan.
Eńbekshiqazaq aýdanynda turatyn 16 jastaǵy jasóspirim ustalǵan soń, urlyq jasaǵanyn moıyndady. Ol 2019 jyldyń jeltoqsan aıynyń sońynda urlanǵan zattardy satyp, aqshany tolyǵymen jumsap, al aıý terisin týysyna syıǵa tartqan.
Urlyq deregi QR Qylmystyq kodeksiniń 188-baby 2-bóliginiń 3-tarmaǵy boıynsha sotqa deıingi tergep-tekserýdiń biryńǵaı tizilimine tirkeldi. QR QPK 144-babyna sáıkes, kámeletke tolmaǵan kúdikti azamat sotqa deıingi tergeý kezinde zańdy ókiliniń qaraýyna berildi.