Ury jutyp qoıǵan júzik aýktsıonda 16 myń dollarǵa satyldy
ASTANA. 26 jeltoqsan. QazAqparat - Avstralııada urynyń ishinen shyqqan qymbat áshekeıli júzik aýktsıonda satyldy.
Saýdadan túsken qarjy aqqan aýrýyna shaldyqqan balalarǵa kómek qoryna aýdarylady.
Lenta.ru-dyń habarlaýynsha, gaýhartastary bar júzik 16 myń dollarǵa satylǵan. Bul onyń óz qunynan 11 myń dollarǵa tómen. Júzikti Pert qalasynda turatyn bir áıel satyp aldy. 28 aq jáne bir sary gaýhartasy bar saqına - Kvınslend shtatynda Devıd Ýılıam Ýotts esimdi ury jutyp qoıǵan eki zergerlik áshekeıdiń biri. Ýotts olardy saýda ornynan asqazanyna salyp alyp shyqpaq bolǵan. Biraq polıtsııa uryny der kezinde ustady. Áshekeıdiń biri dárethana tesigine túsip ketip, tabylmaı qoıdy. Al 29 tasty júzik tazartylyp, aýktsıon úıine berildi, dep jazady «Alash aınasy» basylymy.
