Ury elordalyq lombardtardyń 36 mln qarjysyn qoldy qylǵan
ASTANA. QazAqparat - Krımınaldyq polıtsııa qyzmetkerleri respýblıka boıynsha jyldyń basynan beri jaldamaly páterler men qonaq úılerde turyp, 67 ret páterdi, avtokólikterdi tonap, qaltaǵa túsken 64 «gastroler» uryny ustady. Bul týraly «QazAqparat» HAA tilshisi QR ІІM baspasóz qyzmetine silteme jasap.
4 qańtar kúni Astanada krımınaldyq polıtsııa qyzmetkerleri jaldamaly páterlerde turǵan, buryn birneshe ret sottalǵan Aqtóbeniń týmasyn tutqyndady. Ol 2016 jyldyń 29 jeltoqsan kúni (zalaly 35 mln teńge) jáne 3 qańtar kúni (zalaly 800 myń teńge) lombardtardan aqsha men zergerlik buıymdardy eki ret tonaǵan.
1 qańtar kúni jedel-izdestirý is-sharalaryn ótkizý barysynda Almaty qalasyndaǵy Abylaı han dańǵylynda jaldamaly páterde turyp, 2016 jyldyń jeltoqsan aıynda Taýgúl-3 móltekaýdanyndaǵy páterdiń terezesin maıystyryp ashyp, jarty mıllıon teńgelik múlikti urlaǵan Almaty oblysynyń eki týmasy ustaldy. Sondaı-aq, olardyń qaladaǵy Alataý jáne Jetisý aýdandary aýmaǵyndaǵy eki páterdi tonaǵandary dáleldendi.
Almaty oblysy Qarasaı aýdanynyń týmasy ýaqytsha ustaý oqshaýlaǵyshyna qamaldy. Ol Almatydaǵy Turǵut Ozal kóshesinde jaldamaly páterde turyp, 1 qańtar kúni 880 myń teńgelik «BMV» avtokóligin qoldy etkeni úshin tutqyndaldy. Kúdiktiniń 7 qańtar kúni túngisin Áýezov pen Ǵabdýllın kósheleriniń qıylysyndaǵy kólikti urlaǵany dáleldendi.
Astanada Abylaı han dańǵylyndaǵy jaldamaly páterde turyp, alaıaqtyq jasaý arqyly 9 mln teńgeni urlaǵany úshin qańtar aıynda polıtseıler 40 jasar jáne 28 jasar Shyǵys Qazaqstan oblysynyń turǵyndaryn ustady.
