Ury aıdap áketken kóliktiń júksalǵyshynan 70 qazdyń etin taýyp alǵan
ASTANA. QazAqparat - Elordalyq ІІD «Almaty» aýdandyq ІІB-ge Petropavl qalasynyń turǵyny shaǵymdandy. Astanada tún ortasynda óz týystary turatyn turǵyn úı aýlasynan beıtanys azamat onyń «Nıssan» markili avtokóligin aıdap ketken. Jeke zattarmen qatar, kólikte elordaǵa satý maqsatymen ákelgen 70 qazdyń tutas eti bolǵan.
Bul týraly atalǵan vedomstvonyń baspasóz qyzmeti habarlady. Іzdestirý sharalarynyń barsynda polıtseıler uryny anyqtap, quryqtady. Onyń elordanyń 23 jastaǵy turǵyny ekendigi anyqtaldy. Ustalynǵan azamattyń aıtýynsha, kóliktiń júk salǵyshyndaǵy qazdyń tutas eti ol úshin kútpegen jaıt bolǵan. Kólikti aıdap ketýmen qatar, qazdyń tutas etterin dostary men tanystaryna «syılyq» retinde taratyp bergen.
Qazirgi ýaqytta, elordalyq polıtsııa qyzmetkerleriniń arqasynda kólik jábirlenýshige qaıtaryldy. Al aıdap ketýshi olja bolyp jolyqqan 70 qazdyń tek 4-eýin ǵana qaıtaryp berdi. Atalmysh fakti boıynsha QR QK 188 baby boıynsha («Urlyq») qylmystyq is qozǵaldy.
Tergeý jumystary júrgizilýde. Ustalynǵan azamattyń buryń-sońdy avtokólik quraldaryn aıdap ketý qylmystaryna qatystyǵy anyqtalýda.
