Ury avtobýs jolaýshylaryn tonaý úshin shabadanǵa jasyrynǵan
ASTANA. QazAqparat - Parıjde avtobýsqa minip jergilikti Bove áýejaıyna bara jatqan jolaýshylardy udaıy tonap júrgen eki ury ustaldy.
Qylmyskerlerdiń biri júk bóligindegi jolaýshylardyń qundy zattaryn tintý úshin shabadanǵa jasyrynady, sybaılasy bolsa ózge adamdarmen birge shabandandaǵy áriptesin avtobýstyń júk bóligine salyp jiberedi.
Al ol asyqpaı ózine unaǵan qundy zattardy jınap, shabadanǵa qaıta tyǵylǵan. Sybaılasy túk bolmaǵandaı áýejaıǵa kelgen soń shabadanyn kóterip taıyp otyrady.
Osyndaı qýlyqpen olar jurtty udaıy tonap kelgen, dep habarlaıdy Local.
Jolaýshylar tarapynan túsken birneshe shaǵymdardan keıin júrgizýshiler de saqtyqqa kóshken kórinedi. 13 qazanda Parıjdiń batysyndaǵy Porte Maillot avtobýs stansasynda jolaýshylardyń biri asa úlken ári ishinde qozǵalys baıqalǵan shamadandy júk bóligine salyp jatqanyn júrgizýshi kórip qalǵan.
Bul jaıly dereý áýejaı qaýipsizdigi qyzmetine jetkizedi. Olar óz kezeginde polıtsııaǵa habarlaıdy.
Quqyq qorǵaýshylar avtobýstan shyqqannan keıin kúdiktiniń shabadany men joldorbasyn teksergen. Joldorbadan birneshe noýtbýk, planshet, uıaly telefondar jáne ózge de baǵaly zattar tabyldy. Al shabadanda urynyń ózi jatqan.
Jastary 40-tan asqan eki baýkespeniń budan buryn urlyqpen ustalǵandyǵy anyqtaldy. Biri bir jylǵa, ekinshisi 8 aı túrmede otyrǵan.
Foto: vesti.ru
