Ury 20 myń dollar turatyn gaýhar tasty saqınany jutyp qoıdy
ASTANA. QazAqparat - Ulybrıtanııanyń Braıton qalasyndaǵy zergerlik dúkenge urylar tústi.
22 jastaǵy Raıhanýr Chýdýhrı sybaılastary satýshyny aldandyryp turǵan sátinde dúkenniń sóresinde turǵan 18 karatty gaýhar tasty saqınany jutyp jibergen. Dúkenniń qyzmetkerleri buny baıqap qalyp, polıtsııa shaqyrtady. Dúkende ornatylǵan beınebaqylaýda jigittiń qolyndaǵy zatty aýzyna aparǵany anyq jazylǵan.
Tártip saqshylary uryny dárethanaǵa birneshe saǵatqa qamap ta qoıǵan, alaıda ol júzikti qaıtarmady. Sondaı-aq polıtseıler uryny rentgenge túsirý kezinde onyń asqazanynan eshqandaı júzik kórinbedi. Al zergerlik dúkeniniń satýshysy júzik urynyń asqazanynda ekenine kúmán keltirmeı otyr. Atalǵan is boıynsha sot tyńdalymy 17 jeltoqsan kúni ótedi, dep jazady sheteldik BAQ.
