Ýrýgvaıdyń 14 jastaǵy qaqpashysy keńestik fılmdegi erlikti qaıtalady
ASTANA. QazAqparat - Ýrýgvaıdyń jasóspirimder birinshiliginde keńestik «Vratar» fılmindegi sheshýshi sát qaıtalandy. Fılmde basty keıipker KSRO quramynda óner kórsetken qaqpashy Anton Kandıdov batys kásipqoılary «Chernye býıvoly» komandasynyń qaqpasyna jalǵyz gol soǵyp, match taǵdyryn sheshken bolatyn.
Eske sala keteıik, ataqty kınoda golkıper keńes komandasynyń qaqpasyna soǵylǵan dopty qolymen qaǵyp alyp, keıin ózi oıynǵa kirisip, qarsylastyń jarty komandasyn aılasymen jeńip, bos qaqpaǵa gol soqty. Ýrýgvaılyq «Nasonal» akademııasynyń 14 jastaǵy qaqpashysy Gılermo Tsentýrıon «Penıarolge» qarsy oıynda osy erlikti qaıtalady.
Onyń gol salǵan sáti túsirilgen vıdeony YouTube-ten kórgender sany 300 myńnan asty.
