Ýrýgvaıdaǵy sý tasqyny kezinde 1,7 myń adam úıin tastap ketti
ASTANA.QazAqparat - Ýrýgvaıdyń soltústigindegi nóser jaýynnan keıingi sý tasqyny saldarynan 1750-ge jýyq adam óz úılerinen ketýge májbúr boldy. Bul jaıly eldiń tótenshe jaǵdaılar jónindegi ulttyq basqarmasy habarlaıdy (SINAE).
«Sońǵy málimetterge súıensek, tasqyn saldarynan óz úılerinen ketken turǵyndar sany 1 754-ke jetken. Olardyń ishinde 573 adam basqa jerge kóshirildi, 1 098 adam óz erkimen ketti», delingen.
Reseılik TASS agenttiginiń habarlaýynsha, 1 299 turǵyny óz úılerin eriksiz bosatqan Salto departamentindegi jaǵdaı tipti qıyn. Sondaı-aq, Paısandý, Artıgas departamentteri de sý tasqynynan zardap shekti.
Bıliktiń málimdeýinshe, kóshirilgenderdiń barlyǵyna ýaqytsha turǵyn úı berilip, qajetti kómek kórsetilgen.
Nóser jaýyn Ýrýgvaıdyń soltústigine ótken aptada jaýdy. Meteorologtardyń boljaýynsha jaqyn úsh kúnde jaýyn tolastap, kelesi aptada qaıtadan kúshine enýi múmkin. Sel saldarynan birneshe joldardy da sý basyp qaldy.
