Ýrýgvaıda marıhýana erkin satylymǵa shyǵarylady
ASTANA. QazAqparat - Bıylǵy shildeden bastap, Ýrýgvaı azamattaryna marıhýana erkin satyla bastaıdy. Bul týraly el prezıdenti ákimshiligi basshysynyń orynbasary Hýan Andres Robalo málim etti, dep habarlady RIA Novostı.
Onyń aıtýynsha, 2 mamyrda eldegi kannabıs tutynýshylaryn tirkeý bastalady. «Tirkeý ashylǵan soń marıhýana qabyldaýdyń qaýipti ekenin túsindiretin naýqan bastalady, al shilde aıynan bastap ony dárihanalarda satý josparlanǵan», - dedi Robalo.
Ázirge marıhýana satý júıesine resmı túrde 16 dárihana jelisi engizilgen. Taǵy bir jelimen kelissózder júrgizilip, jaqyn arada qol qoıylady, dep atap ótti sheneýnik.
Robalo marıhýananyń ár gramy 1,3 AQSh dollarynan satylatynyn habarlady. Tirkeýge turǵan tutynýshy aıyna 40 gramm ónim satyp ala alady.
2013 jyldyń sońynda Ýrýgvaı el turǵyndaryna marıhýanany shektelgen mólsherde úı jaǵdaıynda ósirip, arnaıy karta arqyly dárihanalardan satyp alýyna ruqsat beretin zań qabyldady.
