Ýrýgvaıda depýtattar marıhýanany zańdastyrýdy qoldady
ASTANA. 2 tamyz. QazAqparat - Ýrýgvaı parlamentiniń tómengi palatasy marıhýanany satýdy zańdastyratyn zań jobasyn maquldady. Bul týraly VVS habarlady.
Eger de zańdy joǵary palata qoldasa, onda Ýrýgvaı esirtkiniń bul túrin zańdy ósirip, satyp jáne paıdalanatyn álemde birinshi memleket bolmaq.
Zań jobasy 13 saǵatqa sozylǵan qyzý pikirsaıystan keıin maquldandy.
Bul qujatqa sáıkes, 18 jastan úlken ýrýgvaılyqtarǵa aıyna 40 grammǵa deıin atalǵan esirtki zatyn satyp alýǵa múmindik bolady.
Bul elde marıhýanany zańdastyrý esirtki saýdalaýshylardyń yqpalyn tómendetedi degen pikir aıtylýda. Alaıda jańa zań jobanyń qarsylastary bılik otpen oınap otyr degendi alǵa tartýda.
