Ýrýgvaı prezıdenti Parıjge baǵyt alǵan ushaq bortynda bir qyzdy ajaldan alyp qaldy
ASTANA. QazAqparat - Ýrýgvaı prezıdenti Tabare Vaskes Parıjge ushý kezinde 17 jastaǵy frantsýzdyq qyzǵa alǵashqy medıtsınalyq kómek kórsetti, dep habarlady The Telegraph.
Vaskes mamandyǵy boıynsha dáriger, dep jazdy basylym. Oqys oqıǵa 26 qazanda bolǵan.
Transatlantıkalyq ushý kezinde qyzdyń tynysy taryla bastaǵan. Keıin belgili bolǵandaı, jegen jańǵaqqa allergııalyq reaktsııa bolǵan eken. Qyzdyń anasy kómekke shaqyrǵan. Ushaq komandıri jolaýshylardyń arasynda dáriger bar ma ekenin surady. 75 jastaǵy Vaskes óz kómegin usyndy. Ýrýgvaı prezıdenti óziniń jeke dárigerimen reanımatsııalyq shara uıymdastyrdy. Bul frantsýzdyq qyzdyń esin jıyp, Parıjge aman jetýine kómektesti. Ushaq ekıpajyna ózge áýejaıǵa shuǵyl qoný qajettigi týyndaǵan joq.
Vaskes resmı saparymen Frantsııada júr.
