Ýrýgvaı men Ekvador Álem chempıonatynyń fınaldyq satysyna shyqty
NUR-SULTAN. QazAqparat - Fýtboldan 2022 jylǵy Álem chempıonaty fınaldyq satysyna beriletin joldamaǵa taǵy eki qurama ıe boldy, dep habarlaıdy QazAqparat tilshisi.
Álem chempıonatyna Ońtústik Amerıka qurlyǵynan irikteý týrnırinde Ýrýgvaı men Ekvador jetkilikti deńgeıde upaı jınady. Nátıjesinde olar bıyl jeltoqsan aıynda Katarda ótetin dúbirli dodaǵa joldamaǵa qol jetkizdi.
Buǵan deıin atalǵan qurlyqtan álem chempıonaty fınaldyq satysyna qatysý múmkindigine Brazılııa men Argentına ıe bolǵan edi.
Ońtústik Amerıka qurlyǵynan irikteý týrnırinde besinshi oryn alǵan qurama Azııada tórtinshi satysynda jeńimpaz atanǵan quramamen álem chempıonatyna joldamany sarapqa salady. Jarystyń atalǵan satysy bir oıynnan turady.
Búginge deıin álem chempıonatynyń fınaldyq satysyna alań ıesi - Katar, Eýropadan - Germanııa, Danııa, Frantsııa, Belgııa, Horvatııa, Ispanııa, Serbııa, Anglııa, Shveıtsarııa, Nıderlandy, Azııadan - Iran, Ońtústik Koreıa, Japonııa, Saýd Arabııas quramalary shyqqan bolatyn.
Endi Afrıka, Soltústik Amerıka jáne muhıt aımaǵy boıynsha irikteý týrnırleri ótkizilýde.
Álem chempıonaty 21 qarasha men 8 jeltoqsan aralyǵynda Katarda ótkiziledi.
Eske salsaq, budan buryn Italııa quramasy fýtboldan Álem chempıonatynan tys qalǵany habarlandy.
