Ýrýgvaı fýtboly «qara jamyldy»
ASTANA. QazAqparat - Ýrýgvaıdyń aty ańyzǵa aınalǵan fýtbolshysy, 1950 jylǵy álem chempıonatynda fınaldaǵy Brazılııamen oıynnyń sheshýshi, jeńis golyn soqqan Alsıdes Edgardo Gıdja 88 jasynda dúnıeden ozdy, dep jazady sheteldik BAQ.
Sol kezde Rıo-de-Janeıro qalasyndaǵy Marakana stadıonynda ótken fınaldyq kezdesýde oıyn bitýge on mınýt qalǵanda ýrýgvaılyq fýtbolshy tarıhı golymen qurama komandasynyń abyroıyn asqaqtatyp áketken bolatyn. Gıdja ózimen qatarlas fýtbolshylardyń barlyǵynan da uzaq jasady.
Ol fýtbol súıer qaýymnyń árdaıym jıi aıtatyn: «Marakana» stadıonyn úsh-aq adam tynyshtandyra alamyz: Rım papasy, Frenk Sınatra jáne men» sóziniń avtory.
