Ýrýgvaı fýtbolshysy 29 ret klýb aýystyryp, óz rekordyn ózi jańartty
ASTANA. QazAqparat - Ýrýgvaı quramasynyń burynǵy shabýylshysy Sebastıan Abreý túrli klýbtarǵa aýysý sany jaǵynan óz rekordyn ózi jańartty. Búgin 40 jastaǵy forvard Ýrýgvaı chempıonatynyń tómengi lıga klýby "Sentral Espanolǵa" aýysyp, óz mansabyndaǵy 29-shy fýtbol kelisimshartyna qol qoıdy.
Fýtbolshy ýrýgvaılyq "Defensor Sportıng" klýbymen alǵashqy kelisimshartyna 1995 jyly qol qoıdy. Bar-joǵy álemniń 10 elinde ǵana dop tepken: Ýrýgvaı, Meksıka, Salvador, Ispanııa, Brazılııa, Ekvador, Grekııa, Izraıl, Paragvaı jáne Argentınada. Ýrýgvaı úshin 70 match ótkizip, 26 gol salǵan.
