Ýrýgvaı astanasynda Qazaqstannyń qurmetti konsýldyǵy ashylady
ASTANA. KAZINFORM – 2024 jylǵy 6-10 mamyr aralyǵynda QR Syrtqy ister mınıstriniń birinshi orynbasary Qaırat Omarovtyń Ýrýgvaı men Brazılııaǵa sapary ótedi. Bul týraly QR Syrtqy ister mınıstrliginiń resmı ókili Aıbek Smadııarov aıtty.
«Ýrýgvaıǵa sapar aıasynda Syrtqy ister mınıstrlikteri arasyndaǵy saıası konsýltatsııalardyń birinshi raýndyn ótkizý, Montevıdeoda Qazaqstannyń qurmetti konsýldyǵyn ashý jáne Astana men Montevıdeo arasyndaǵy saıası, saýda-ekonomıkalyq jáne gýmanıtarlyq yntymaqtastyqty keńeıtý maqsatynda Ýrýgvaı parlamentiniń senaty men ókilder palatasynyń depýtattarymen kezdesý josparlanýda», - dedi A. Smadııarov mınıstrliktiń aptalyq brıfınginde.
Sonymen birge, Q. Omarov Ýrýgvaıdyń bıznes toptarynyń ókilderimen dóńgelek ústel jumysyna qatysady.
Latyn Amerıkasy energetıka uıymynyń jáne Latyn Amerıkasy ıntegratsııa qaýymdastyǵynyń basshylyǵymen kezdesýler ótkizedi.
