Úrmeli qaıyqpen teńizge yǵyp ketken týrıst kámpıttiń arqasynda aman qaldy
NUR-SULTAN. QazAqparat – Egeı teńizinde eki táýlik boıy úrmeli qaıyqta qalyp qoıǵan týrıst bir ýys muz kámpıttiń arqasynda aman qaldy. Jańa Zelandııa turǵyny Kýshıla Steın jeksenbi kúni qutqaryldy, dep habarlaıdy QazAqparat BBC-ge silteme jasap.
Ashyq teńizge yǵyp ketken ol 37 saǵat boıy úrmeli qaıyqta otyrǵan. Qutqarýshylar kelgenge deıin ózinde bolǵan bir ýys muz kámpıtti talǵajaý etken. Kýshıla tońyp qalmas úshin qoqysqa arnalǵan plastık qapqa oranyp alǵan.
Steın ómir boıy teńizge shyǵyp júrgendikten, ózin izdeı bastaıtynyn bilip, basyna ashyq qyzyl tústi plastık paket kıip, arasynda aına arqyly belgi berip otyrǵan.
Grekııanyń jaǵalaý kúzeti ony Krıtadan soltústikke qaraı 100 shaqyrym qashyqtyqtan tapty.
Kýshıla Steın Maık esimdi brıtanııalyqtyń ıahtasyn Túrkııanyń ońtústiginen Afına qalasyna alyp kelýge kómektesken. Ol araldardyń birine toqtaǵan kezde eskekti qaıyqpen jaǵalaýǵa barmaq bolady. Qaıtar jolda eskeginiń biri sýǵa túsip ketip, qaıyq qatty soqqan jelmen birge ashyq teńizge qaraı ketip qalady.
ıAhtada qalǵan kisi tanysy kelmegesin, birden dabyl qaǵady. Qutqarý operatsııasyna alty keme, tikushaq jáne sýasty qurylǵysy jumyldyryldy.
Kýshıla Steın ashyq teńizde júrgende qaıyǵyna úlken áriptermen Jańa Zelandııadaǵy anasynyń esimi men telefon nómirin jazyp qoıady. Ol tiri qalmaımyn ba dep qoryqqan.
Grekııa jaǵalaý kúzeti ony jeksenbi kúni taýyp, aýrýhanaǵa jetkizgen. Jańazelandııalyq basylymdardyń jazýynsha, Kýshıla qutqarylǵannan keıin anasyna habarlasyp, jaǵdaıynyń jaqsy ekenin jáne qaltasynda bir kámpıtiniń qalǵanyn aıtqan.
