Urlyqy gúldi syılaǵan: Jetisýda 59 jastaǵy aýyl turǵyny gúl urlaǵany úshin ustaldy
TALDYQORǴAN. QazAqparat – Almaty oblysynda aýyl turǵyny gúl urlaǵany úshin jazyqty boldy, dep habarlaıdy QazAqparat.
Polıtseıler gúl urlady degen kúdikpen Eńbekshiqazaq aýdanynyń 59 jastaǵy turǵynyn ustady. Ol bıylǵy maýsym aıynda Esik qalasyna jaqyn mańdaǵy saıajaılardyń birinen sáldegúl urlaǵany úshin aıyptalyp otyr. QR Qylmystyq kodeksiniń 188-baby boıynsha tergeý júrip jatyr.
«Saıajaıynda gúl ósirýmen aınalysatyn 82 jastaǵy áıeldiń baqshasynan 300 dana sáldegúl urlandy. Zeınetkerge kelgen shyǵyn kólemi – 90 myń teńge. Urlyq jasady degen kúdikpen onyń aýyldasy ustaldy» dáp málim etti oblystyq polıtsııa departamentinen.
Negizi, zardap shekken áıel gúldiń basqa da túrlerin ósiredi. Keıin anyqtalǵandaı, kúdikti basqa emes, sáldegúlden 300 dana urlap, onyń birazyn syılap jibergen, al qalǵanyn jergilikti bazarǵa aparyp satqan.
