Urlyq jasap vıdeoǵa túsip qalǵan áıel ustaldy - Almaty oblysy
TALDYQORǴAN. QazAqparat - Almaty oblysynda birneshe ret urlyq jasaǵan jerinen beınebaqylaýǵa túsken áıel ustaldy. 25 jastaǵy kelinshek buǵan deıin de osyǵan uqsas qylmys jasap, sottalǵan, dep habarlaıdy QazAqparat tilshisi.
Kúdikti Taldyqorǵan qalasynda jáne Eskeldi aýdanynda ózgeniń zatyn qoldy qylyp jatqan sátinde beınebaqylaý kamerasyna túsip qalǵan. Artynsha bul kadrlar áleýmettik jelige jarııalanyp, halyqtyń ashýyn týdyrdy. Búgin Eskeldi aýdanynyń polıtseıleri kúdiktini Qarabulaq aýylynda qolǵa túsirdi.
«Kúdikti Kóksý aýdanynyń turǵyny. Onyń 6 faktige qatysy bar ekeni dáleldenip otyr. Ol saýda úılerinde, bilim men densaýlyq mekemelerinde urlyq jasaǵan. Urlanǵan zattardyń ishinde uıaly telefondar, ámııandar, áıel sómkeleri syndy zattar bar. Qazir naqty keltirilgen shyǵyn kólemi eseptelýde. Kúdiktiniń ózge qylmystarǵa qatysy bar-joǵy tekserilip jatyr», - dep málimdedi Almaty oblystyq polıtsııa departamentiniń baspasóz qyzmetinen.
Qazir atalǵan faktige oraı sot-aldy tergeý júrýde.
