Urlyq jasaǵan er adam dalada úsip ólgen
PAVLODAR. QazAqparat - Pavlodar oblysyna qarasty Aqtoǵaı aýdanynyń bir aýylynda belgisiz er azamat urlyq jasap, aýyl syrtyndaǵy toǵaıǵa jaqyn mańda aıazdan úsip ólgen, dep habarlaıdy pavlodarnews.kz.
Aýdan turǵyndarynyń habarlaýynsha, belgisiz er adam kireberis esiktiń kúrshegin syndyryp, úıden uıaly telefon jáne qysqy kıimderdi urlap áketken. Keıin ol toǵaıdan óli kúıinde tabylǵan. Pavlodar oblystyq ІІD agenttiktiń joldaǵan resmı saýal hatyna bergen jaýabynda atalmysh jaǵdaıdy rastady.
"Aǵymdaǵy jylǵy 7 qańtar kúni saǵat eki shamasynda polıtsııa qyzmetine Aqtoǵaı aýdanyndaǵy aýyl turǵyny belgisiz er adamnyń kireberis esiktiń kúrshegin syndyryp, úıinen uıaly telefon jáne etik pen kúpáıkeni urlap áketkeni týraly ótinish túsirgen", - deıdi baspasóz qyzmetinde. - Osy fakti boıynsha jedel túrde izdestirý jumystary uıymdastyrylyp, QR QK 149 jáne 188-baptary boıynsha sotqa deıingi tergeý jumystary júrgizildi. Qabyldanǵan is-sharalardyń nátıjesinde sol kúni aýyldan alshaq emes aǵashtardyń arasynan 36 jastaǵy er adamnyń máıiti tabyldy. Aldyn ala boljam boıynsha er adam sýyq tııýden kóz jumǵan".
Tergeý barysynda ótinish berýshi qaza tapqan jandy urlyq jasaǵan belgisiz er adam retinde tanydy.
Berilgen faktiler boıynsha tergeý jumystary jalǵastyrylýda. Sot-medıtsınalyq saraptama taǵaıyndaldy.
