Urlyq jasaǵan Densaýlyq saqtaý mınıstrliginiń júrgizýshisi ustaldy

ASTANA. QazAqparat - Elordanyń tártip saqshylary «Kamaz» júk kóliginiń akkýmýlıatoryn urlap ketken uryny ustady. Kúdikti Densaýlyq saqtaý mınıstrligine qarasty bir vedomsvtonyń júrgizýshisi bolyp shyqty, dep habarlaıdy «QazAqparat» HAA tilshisi Astana qalasy ІІD baspasóz qyzmetine silteme jasap.

«Polıtsııaǵa úıdiń janynda turǵan «Kamaz» kóliginen belgisiz bireýler  avtokólikten akkýmýlıatordy urlap ketkeni jóninde aryz kelip tústi.  Osyndaı aryzben taǵy bir qala turǵyny shaǵymdanǵan», - deıdi baspasóz qyzmetinen.

Astana qalasynyń krımınaldyq polıtsııa qyzmetkerleri jedel- izdestirý is-sharalaryn júrgizý barysynda qala mekemesiniń birinde júrgizýshisi bolyp jumys isteıtin 31-jasar Sh. degen azamatty ustaǵan.

«Ol qyzmet kóligin (shaǵyn avtobýs) paıdalanyp,  urlanǵan zattardy sol jerden shyǵaryp alǵan. Qazirgi ýaqytta QR QK-niń 188-baby boıynsha sotqa deıingi tergep-tekserý júrgizilýde. Sonymen qatar ustalǵan kúdiktiniń buryn jasalǵan qylmystarǵa qatysy bar-joqtyǵy tekserilýde», - delingen habarlamada.

Urlyq oqıǵkasy boıynsha ustalǵan kúdiktiniń Densaýlyq saqtaý mınıstrligine qarasty Ultty saraptama ortalyǵynda jumys istegeni anyqtalyp otyr.