«Úrlitóbe» beketinde bıdaı aralas kebek Reseıge keri qaıtaryldy
ASTANA. KAZINFORM — Pavlodar oblysyndaǵy «Úrlitóbe» fıtosanıtarııalyq baqylaý beketinde Reseıden bıdaı kebegi retinde kórsetilgen bıdaıdy Qazaqstanǵa kirgizý áreketiniń joly kesildi.
Avtokólik quralyn tekserý barysynda QR AShM AÓK memlekettik ınspektsııa komıtetiniń oblystyq aýmaqtyq ınspektsııasynyń mamandary ilespe qujattarda kórsetilgen málimetter men júktiń naqty quramynyń sáıkes kelmeıtinin anyqtady.
Tekserý nátıjesinde kólik quralynda kebekpen qatar bıdaı dáni de bolǵany belgili boldy.
Bıdaıdy avtomobıl kóligimen tasymaldaýǵa qoıylatyn shekteýlerdi jáne ilespe qujattardaǵy málimetterdiń naqty júk quramyna sáıkes kelmeıtinin eskere otyryp, júkti eksporttaýshy elge keri qaıtarý týraly sheshim qabyldandy.
Aıta ketelik elimizge shetelden ákelingen ónimderden qaýipti karantındik obektiler anyqtalǵan edi.
