Úrlemeli orkestr ár demalys saıyn Almaty turǵyndary men qonaqtary úshin óner kórsetetin bolady
ALMATY. Qazannyń 19-y. QazAqparat /Názıra Eleýhan/ - Ár demalys saıyn, ıaǵnı qazan aıynyń sońyna deıin qaladaǵy «Jańa alań» saýda ortalyǵynyń aýmaǵynda Memlekettik úrlemeli orkestr qala turǵyndary men qonaqtary úshin óner kórsetetin bolady.
Olar halyq jáne estradalyq mýzykalarmen qatar, klassıkalyq shyǵarmalardy, valster men marshtardy oryndap, halyqtyń kóńilin kótermek.
"Respýblıka alańy qala turǵyndary men qonaqtarynyń dástúrli demalys orny. Olardyń demalystary odan ári jaqsy ótý úshin biz munda demalystyq kontsertterdi uıymdastyrýdy sheshtik. Bizdińshe, bul erekshe kóńil kúı syılaýǵa yqpal etedi", - deıdi «Jańa alań» saýda ortalyǵynyń bas dırektory Gúlshat Núrpeıisova. Onyń aıtýynsha, demalystyq kontsertter kóremenderdi kóp jınaýda.
Orkestr Tımýr Jartybaevtyń jetekshiligimen óner kórsetetin bolady. Ol - Máskeý áskerı akademııasynyń túlegi.
