Úrlemeli matras ústinde qalǵan 10 aılyq náresteni jel ashyq teńizge alyp ketti
ASTANA. QazAqparat - Túrkııada adam qutqarýdyń asa sırek oqıǵasy boldy. Jaǵalaý kúzetiniń qyzmetkerleri ashyq teńizde úrlemeli matras ústinde qalqyp ketip bara jatqan 10 aılyq qyz balany qutqaryp qaldy.
Bul jaǵdaı sábıdiń ata-anasynyń beıqamdyǵynan oryn alǵan. Úlkenderdiń aıtýynsha, olar nebári birneshe mınýt qana búldirshindi qaraýsyz qaldyrǵan kórinedi. Osy az ǵana ýaqyttyń ishinde kúshti jel sábıdi jaǵalaýdan jarty shaqyrymdaı qashyqtyqqa alyp ketken. Ony júzip qýmaq bolǵandardyń áreketinen esh nárse shyqpady. Amal joq qutqarýshylardan kómek suraýǵa týra kelgen, dep habarlaıdy "Rossııa 24".
