Urlanǵan taǵy bir trln teńge Qazaqstanǵa qaıtarylady
ASTANA. KAZINFORM – Bas prokýratýra janyndaǵy Aktıvterdi qaıtarý komıteti aktıvterdi erikti túrde qaıtarý týraly 50-den astam kelisim jasasty. Bul týraly Kazinform agenttigine eksklıýzıvti suhbat bergen atalǵan komıtet tóraǵasy Nurdáýlet Súıindikov aıtty.
Qazirgi ýaqytqa deıin arnaýly memlekettik qorǵa shamamen 188 mlrd teńge túsip, basqarýshy kompanııaǵa 87 mlrd teńgeniń aktıvteri tabystaldy.
— Búginde biz komıssııanyń maquldaýymen aktıvterdi erikti túrde qaıtarý týraly 50-den astam kelisim jasastyq. Jalpy somasy shamamen 1 trln teńgeden asady. Aktıvterdiń berýge daıyndalýy, baǵalanýy tıistigi, táýelsiz saraptama, aýdıt júrgizilýi qajettigi túsinikti. Bul aýdıt eger joǵary tabys bolsa, onda joǵary tabystyń esebin zerdeleýi qajet. ıAǵnı, aktıvterdi berýdiń ózi kelisimshart jasalǵan sátten júzege asyrylmaıdy, belgili bir ýaqytta alady, — dedi Nurdáýlet Súıindikov.
Onyń atap ótýinshe, aktıvterdi erikti túrde qaıtarý quptalady.
— Eger sýbekt nıet tanytyp, bizge kelisim protsedýrasyn júrgizý jáne erikti túrde qaıtarý nemese akıvter men múlikterdi berý týraly ótinish bildirse, biz tıisti jumys isteımiz. Biz jumys istep jatqan zańǵa iligetin sýbektilerdiń basym bóligi osy jolmen júrdi. Ekinshi joly bar, ol — májbúrlep qaıtarý. Komıtet saraptamalyq tekserý jumysyn júrgizgen kezde zańdylyqty negizdi túrde kúdik týdyratyn aktıv anyqtalatyn bolsa, onda biz sotqa túsiniksiz baılyqqa baılanysty sotqa shaǵym túsiremiz, — dedi komıtet basshysy.
Buǵan deıin habarlaǵanymyzdaı endi zańsyz shyǵarylǵan aktıvter Interpol arqyly qaıtarylady.
Sonymen qatar Prezıdenttiń zańsyz aktıvterdi qaıtarý baǵytyndaǵy tapsyrmalaryn oryndaý aıasynda arnaýly memlekettik qorǵa 176,3 mlrd teńge jınaldy.