Urlanǵan Mersedes jol apatyna ushyrady
ALMATY. QazAqparat -Almatyda urlanǵan Mersedes avtokóligi jol apatyna ushyrady, dep habarlaıdy QazAqparat tilshisi.
Almatynyń Bostandyq aýdanynda urlanǵan «Mersedes» kóligi jol apatyna ushyrap, oqıǵadan áıel adam zardap shekti.
Kýágerlerdiń aıtýynsha, jol apaty Novoı men Torǵaıyrov kóshesiniń qıylysynda bolǵan. Mersedes Toraıǵyrov kóshesimen soltústik baǵytqa qaraı bara jatqan. «Hıýndaı Santa Fe» Novoı kóshesimen ońtústik baǵytta kele jatqan. «Mersedes» kóligi baǵdarshamnyń toqtatý belgisine qaramastan, joldy kesip ótpek bolǵan.
Jol apatynan Hıýndaı kóliginiń júrgizýshisi zardap shekti. Mersedesti urlaǵan kúdikti mas kúıinde ustalyp, oqıǵa ornynda barlyq kinásin moıyndady.
