Urlanǵan qyzdar 12 dollardan kúńdikke satylyp jatyr
ASTANA. QazAqparat - Nıgerııadaǵy «Boko Haram» dep atalatyn hrıstıan sodyrlar toby qyzdardy urlap áketip, kúńdikke satyp jatyr, dep jazady muslim.kz.
Elde olardy qutqarý sharalaryn qolǵa almaǵan bılik oryndarynyń jaýapsyzdyǵy men salǵyrttyǵyna qarsy jappaı narazylyq sharalary ótýde. Naqtylaı aıtsaq, Nıgerııanyń soltústik-shyǵysyndaǵy Chıbok eldi mekenindegi mektepten urlanǵan 200-den asa joǵary synyp oqýshylarynyń birazy bosatylǵanymen, oralmaǵandary da bar bolyp shyqty. Sodyrlardyń olardy qaıda jasyrǵany belgisiz. Jergilikti aqsaqaldardyń sózine qaraǵanda, radıkaldar 16-18 jas aralyǵyndaǵy qyzdardy shekara asyryp, Kamerýn men Chad memleketterinde 2000 naıra aqshaǵa (shamamen 12 dollarǵa) kúńdikke satyp jatyr.
