Urlanǵan qudyq qaqpaqtaryn qabyldaıtyn oryndar Isekeshevtiń tapsyrmasymen tekserilýde
ASTANA. QazAqparat - Elordada polıtsııa qyzmetkerleri urlanǵan kabel jáne káriz qudyqtarynyń qaqpaqtaryn qabyldaıtyn pýnktterdi tekserý ústinde, dep habarlady QazAqparatqa ІІD-niń baspasóz qyzmetinen.
Astana ákimi Áset Isekeshevtiń tapsyrmasy boıynsha metall qabyldaıtyn 80-ge jýyq pýnkt tekserildi. Olardyń barlyǵy resmı tirkelmegen jáne metall qabyldaýǵa ruqsattary joq bolyp shyqty.
22 aqpanda Aınatas kóshesindegimetall qabyldaıtyn pýnktti tekserý barysynda salmaǵy 200 keli alıýmınıı kabeli tárkilenip, alyndy. 36 jastaǵy metall qabyldaýshy ony belgisiz tulǵadan qabyldap alǵanyn aıtty. Sondaı-aq, qaladaǵy Bartold kóshesinde ornalasqan pýnkterdiń birinde polıtsııa qyzmetkerleri taǵy 100 keli alıýmınıı kabelin tárkiledi. Atalmysh fakti boıynsha tekserý júrgizilýde.
Tekserý sharalary barysynda túrli buzýshylyqtar úshin 30-dan astam tulǵa ákimshilik jaýapkershilikke tartyldy.
«Sonymen qatar, tústi jáne qara metall urlaýdyń 5 deregi tirkelip, kúdiktiler ustaldy. Kórsetilgen faktiler boıynsha Qazaqstan Respýblıkasy Qylmystyq Kodeksiniń «urlyq» baby boıynsha sotqa deıingi tergeý júrgizilýde», - delingen taratylǵan habarlamada.
Astana qalasy ІІD Krımınaldy polıtsııa basqarmasy bastyǵynyń orynbasary Samat Qusetovtiń aıtýynsha, metall qabyldaıtyn 18 oryn óz jumystaryn lıtsenzııa boıynsha iske asyryp otyrsa, 75-inde ruqsat qujattary joq.
Polıtsııa qyzmetkerleri reıdtik sharalardy jalǵastyrýda.
