Urlanǵan kólikti ıesine qaıtarý úshin aqsha bopsalaǵan alaıaqtar quryqtaldy
ASTANA. 5 jeltoqsan. QazAqparat - Ótken aptada Aqtóbe oblysy ІІD Uıymdasqan qylmysqa qarsy kúres basqarmasyna oblystyń eki turǵynynyń qymbat kólikterdi urlaý qylmysyna qatystylyǵy týraly aqparat kelip túsken.
Bul týraly búgin QR Іshki ister mınıstrliginde ótken brıfıngte ІІM baspasóz hatshysy Nurdildá Oraz málimdedi.
«Qylmyskerlerdiń qarasha aıynyń ortasynda urlanǵan «LeksýsGS-300» markaly avtokólik ıesinen 10 myń AQSh dollaryn bopsalaǵany anyqtaldy. Kúdiktiler aqshany alǵannan keıin avtokóliktiń qaıda turǵanyn aıtatynyn málimdegen. Jábirlenýshiniń 10 myń AQSh dollaryn berý kezinde 41 jáne 26 jastaǵy qala turǵyndary ustaldy, aqsha tárkilendi», - dedi N. Oraz.
Onyń málimdeýinshe, avtokólik ıesine qaıtarylǵan. Bopsalaý faktisi boıynsha qylmystyq is qozǵaldy. Ustalǵandardyń basqa qylmystarǵa qatystylyǵy tekserilýde.
Sonymen qatar, baspasóz hatshysynyń málimdeýinshe, arnaıy jedel-izdestirý sharalaryn ótkizý nátıjesinde Shyǵys Qazaqstan oblysynyń ІІD Uıymdasqan qylmysqa qarsy kúres basqarmasynyń qyzmetkerleri Úlbi ózenindegi kópir janynda «VAZ-21013» avtokóligin ustaǵan. Tekseris kezinde esirtki qylmysy úshin buryn sottalǵan 35 jastaǵy júrgizýshiden jalpy salmaǵy 6 keliden astam esirtki zattary tárkilengen, onyń 3,5 kelisi - geroın.
