Urlanǵan kólik ıesine qaıtaryldy
ASTANA. Shildeniń 26-sy. QazAqparat /Jasulan Amanbaıuly/ - Shildeniń 24-i kúni Astanada kólik urlandy,
dep habarlaıdy QazAqparat Astana qalasynyń ІІD Jol polıtsııasy basqarmasynyń baspasóz qyzmetine silteme jasap.
«Óndiris kóshesiniń boıynda ornalasqan úıdiń aldynan urlanǵan VAZ-2107 kóliginiń ıesi Jol polıtsııasyna 03.24 saǵat shamasynda habarlasty. Birden ІІD-niń arnaıy jospary engizilip, kólik urlanǵan aýdannyń barlyq joldary erekshe baqylaýǵa alynady. Jedel izdestirý sharasy jemisin berip, Jol polıtsııasynyń qyzmetkerleri, polıtsııa serjanttary A. Emılov pen B. Orazbaev kólikti jáne ony aıdap áketken qylmyskerdi qolǵa túsirdi», delingen baspasóz habarlamasynda.
Jalpy ótken demalystarda Jol polıtsııasynyń qyzmetkerleri Astanada 1078 jol júrý erejesin buzý oqıǵalaryn tirkegen. Onyń ishinde 46 oqıǵa kólikti mas kúıinde basqarý bolsa, 158-i jyldamdyqty belgilengen shamadan tys asyrý faktileri bolyp otyr. Sonymen qatar joldyń qarsy baǵytyna shyqqan 33 júrgizýshi jáne tehnıkalyq jaǵdaıy saı emes 49 kólik ıesine tıesili sharalar qoldanyldy.
Róldi basqarý kezinde uıaly telefonmen sóılesýge jol erejesinde tyıym salynǵandyǵy belgili. Biraq bul keri úrdis áli sap tyıylar emes. 33 júrgizýshige atalmysh erejeni buzǵany úshin ákimshilik aıyppul salyndy.
